Deputetë e PD takim në Bundestag: Jemi në moment kyç mbi integrimin e Shqipërisë

Deputetët e opozitës, Gazment Bardhi, Jorida Tabaku dhe Klevis Balliu, zhvilluan një takim në Berlin me zëvendëskryetaren e Grupit Parlamentar të CDU-së në Bundestag, Patricia Lips, përgjegjëse për çështjet europiane.

Gazment Bardhi theksoi se bisedimet u fokusuan tek standardet që Shqipëria duhet të përmbushë për integrimin në Bashkimin Europian, duke vënë në dukje se korrupsioni mbetet pengesa kryesore.

Bardhi shtoi se vendi ndodhet në një moment kyç ku duhet të kalojë nga retorika në veprime konkrete, duke zbatuar reforma reale dhe rezultate të matshme. Ai nënvizoi gjithashtu mbështetjen e Gjermanisë për integrimin e Shqipërisë, bazuar në meritë dhe standarde që përmirësojnë mirëqenien e qytetarëve.