Deputetët e Kosovës solidarizohen me Ukrainën

Deputetët e Kuvendit të Kosovës në shenjë solidarizimi me popullin e Ukrainës, kanë vendosur pankarta në para çdo ulëse të tyre me mbishkrimin “ ne qëndrojmë me Ukrainën”.

Ata janë pajtuar që të tërheqin nga rendi i ditës tri pikat e para dhe të kalojnë drejtpërdrejt në pikën ku do të trajtohet rezoluta në mbështetje të Ukrainës.

Deputetët kanë mbajtur një minutë heshtje për viktimat civile të cilat janë vrarë nga sulmi i paprovokuar i Rusisë në Ukrainë.

“Zemrat dhe mendjet tona janë me ta dhe me familjet e tyre, ne qëndrojmë së bashku me popullin e Ukrainës”, ka thënë kryetari i Kuvendit, Glauk Konjufca.

LEXONI GJITHASHTU: 

• Thirrje për BE dhe NATO: Mbroni Ballkanin Perëndimor

• Kosova do të strehojë 20 gazetarë ukrainas