Teksa na ndajnë më pak se gjysmë ora nga protesta e opozitës, duket se jo të gjithë deputetët e mbështesin atë.

Disa nga deputetët demokratë të cilët mbështesin Enkelejd Alibeaj dhe kundërshtojnë Sali Berishën për kreun e PD-së, janë parë të hynë brenda sallës në Kuvend, ku do të zhvillohet seanca plenare.

Deputetët demokratë, Saimir Korreshi, Andia Ulliri, Ilda Dhori, Dhurata Çupi, por edhe ai i Partisë Republikane, Fatmir Mediu kanë hyrë së bashku në sallë.

Protesta para godinës së Kuvendit vjen pas asaj të mbajtur më 11 shkurt, e thirrur nga kryedemokrati Sali Berisha, ku në të mori pjesë edhe kreu i Partisë së Lirisë, Ilir Meta.

Berisha kërkon dorëheqjen e kryeministrit Edi Rama pas publikimit të skandalit me ish-zyrtarin e FBI-së, Charles McGonigal.

LEXONI GJITHASHTU

• Berisha: Parlamenti epiqendër e revolucionit që do shtrihet në gjithë vendin
• Protesta | Efektivë të FNSH-së vendosen në ambientet e brendshme të Kuvendit
• Berisha bën lëvizjen e ‘papritur’, mbledh deputetët një orë përpara protestës