Deputeti Flamur Hoxha: Sfidë për ne është ekzistenca e Partisë Demokratike

Deputeti i Partisë Demokratike, Flamur Hoxha deklaroi se për të djathtët sfida kryesore mbetet ekzistenca e kësaj force politike, pas muajsh përplasjeje me dy grupimeve.

Në një intervistë për Euronews Albania, Hoxha u shpreh se Partia Demokratike nuk duhet të merret me emra të përveçëm, por të punojë për zgjedhjet vendore, rezultati i së cilës, sipas tij, do vendosë shumë edhe për ato parlamentare.

“Roli i jashtëzakonshëm i liderit historik, Sali Berishës, nuk mund ta mohojë as Flamur Hoxha, askush, qoftë nga pjesa e demokratëve apo të majtëve. Ne nuk duhet të flasim sot se kush është lider dhe ne nuk duhet të flasim se kush është Partia Demokratike. Nëse nisemi me këto dy premisa, e kemi nisur këtë bashkëpunim të dështuar që në fillim.

Ne duhet të mendojmë që kemi një emergjencë për ekzistencën e Partisë Demokratike. Ekzistenca nuk është kjo fushatë që vjen, ky është themeli për të parë vizionin e ndërtimit dhe fitores së Partisë Demokratike në zgjedhjet e pushtetit qendror. Kjo është sfida”, theksoi ai.

LEXONI GJITHASHTU

• E mbijetuara e masakrave serbe tregon emocionet gjatë fjalimit në KiE
• Protesta e PD para SPAK, të pranishëm aktivistë të Aleancës për Mbrojtjen e Teatrit
• Deklarata e Kim për gjyqësorin, gazetari: 3 çështjet ku mund të ndikojë politika