Deputeti i LVV-së zbulon se çfarë qëndrimi do të mbajë Albin Kurti për Asosacionin

Deputeti i Lëvizjes Vetëvendosje (LVV), Adnan Rustemi thotë se kryeministri i Kosovës, Albin Kurti ka të njëjtin qëndrim në lidhje me Asoacionin, pra është kundër formimit të bashkësisë së komunave në veri me shumicë serbe.

Në një intervistë për Euronews Albania, Rustemi u shpreh se Kurti nuk ka mbajtur një pozicion individual, por ka shpehur argumente politike dhe juridike.

Sipas tij, Asosacioni do t’i dobësonte komunat me shumicë serbe.

“Zoti Kurti e ka qëndrimin e njëjtë, sikurse ka argumente dhe shpjegime të njëjta, si kur ishte në opozitë, edhe sot si kryeministër. Nuk është një pozicion individual, por janë argumentet politike dhe juridike që e vërtetojnë që rendi kushtetues dhe kushtetuta e Kosovës, nuk e përmban, nuk e duron një Asosacion me kompetenca ekzekutive dhe me përbërje një etnike.

Kosova është shoqëri multietnike. Është e dukshme që një Asosacion i mundshëm do t’i dobësonte edhe vetë komunat e Kosovës me shumicë serbe”, theksoi deputeti Rustemi ndër të tjera.

LEXONI GJITHASHTU

• Daft-statuti nga FES: Asosacioni do formohet në përputhje me Kushtetutën e Kosovës
• ‘Ndërkombëtarët aneksuan Kosovën’, deputetja shqiptare kundër presidentit kroat
• Kërcënon SHBA e BE: Çfarë pritet të ndodh nëse Kurti dhe Vuçiç refuzojnë propozimin