Deputetja e PD-së: Ndryshime në buxhet për të mbështetur financiarisht sektorin hidro-energjetik

Deputetja e Partisë Demokratike, Emilia Koliqi u shpreh për Euronews Albania se edhe gjatë vitit 2020 kemi pasur një rritje të çmimeve të ushqimeve.

“Komisioni i Ekonomisë e Financave ka thirrur në dëgjesë Autoritetin e Konkurrencës për të dhënë përgjigje dhe llogari pse votoi kundër marrëveshjes së tregut të lirë dhe kundër interesave të shqiptarëve”, u shpreh deputetja, teksa shtoi se PD për rastin e ushqimeve të shportës ka bërë një propozim për uljen e TVSH nga 20% në 6%.

Znj. Koliqi komentoi edhe deklaratën e kryeministri Rama për krizën energjetike, ku tha se gjithçka ishte një “ testim i nervave të shqiptarëve”. Ajo tha se situata e mungesës hidrike në Shqipëri është e përkohshme.

Po kështu, deputetja nënvizoi se qeveria duhet të mbështesë financiarit sektorin hidro-energjik, duke bërë ndryshime në buxhet.

Sipas saj, PD do të luftojë që të mos ketë rritje të çmimit të energjisë tek qytetarët.

LEXONI GJITHASHTU:

• Eksperti i ekonomisë: Kriza e energjisë është keqmenaxhim i qeverisë
• Arben Malaj: Hera e parë që dëgjoj një kryeministër të përhapë panik