Deri të premten vjeshtë, fundjava një dimër i vogël

Meteorologia Adiola Bani tha se dita e parë e javës ka nisur me kthjellime të pakta dhe vranësira të shpeshta, situatë kjo që do të vijojë gjatë gjithë ditës.

Nga e marta deri mesditën e të premtes Bani sqaroi se moti do të jetë i kthjellët, vranësirat do të jenë kalimtare dhe temperaturat do të jenë tipike vjeshte.

Ndërkohë nga e premtja e në vijim ditët do të jenë me vranësira të dendura dhe shira që në disa zona do të jenë intensiv. Do të shënohet një rënie e ndjeshme e temperaturave gjithashtu, ku në zonat malore do të arrijnë deri në -2 gradë Celcius.

Kosova dhe Maqedonia e Veriut do të jenë me mot të kthjellët deri të premten me temperatura deri në 18 gradë Celcius, ndërsa në fundjavë temperaturat do të arrijnë minimumi deri në -4 gradë.

LEXONI GJITHASHTU: 

• Moti pritet të përkeqësojë zjarret në vend, thotë meteorologia
• Moti ekstrem ka vrarë 2 milionë njerëz në 50 vitet e fundit, thotë OKB
• Greqia përfshihet nga moti i keq, përmbytje rrugësh dhe banesash