Dështimi në Ligën e Kombeve, Shqipëria me sulmin më të dobët

Gabimet individuale e kanë penalizuar sërish kombëtaren shqiptare, e cila i dha fund ëndrrës për t’u renditur në krye të grupit në Ligën e Kombeve. Edhe pse u diskutua gjatë 3 konferencave të mëparshme për shtyp se lojtarët duhet të mbanin përgjegjësi për veprimet e tyre, në fushë ndodhi krejt e kundërta.

Në përballjen me Izraelin në Tel Aviv, kuqezinjtë patën mundësi të arta për të kaluar në avantazh, të shpërdoruara nga Armando Broja.

Ndërkohë të dy golat për vendasit erdhën nga gabimet fillimisht i Hysaj dhe më pas i Mihajt. Krahas kësaj, Izraeli zhvilloi një paraqitje të mirë, duke treguar një skuadër kompakte dhe me dëshirë. Në anën tjetër kuqezinjtë realizuan vetëm 3 gola në kompeticion, duke konfirmuar sulmin më të dobët të grupit.

Kombëtarja është rikthyer në Durrës, ku zhvillon stërvitjet në prag të ndeshjes së fundit ndaj Islandës. Të dyja skuadrat dështuan në përmbushjen e objektivave dhe në këtë situatë përballja shihet më tepër si miqësore, ku minutazh do të kenë edhe lojtarët e rinj.

Fundi i aventurës së radhës vendos në diskutim edhe fatin e teknikut Reja, i cili u shfaq i zhgënjyer në fund të përballjes me Izraelin.

LEXONI GJITHASHTU:

• Sonte luhet Shqipëri-Izrael, trajneri Reja i beson sulmin Brojës dhe Uzunit
• Liverpul-Real Madrid, sonte në Paris përsëritet finalja e 41 viteve më parë
• Superkupa e Evropës, sonte luhet Real Madrid-Eintraht Frankfurt