Dështon evakuimi i 13 mijë ukrainasve, forcat ruse plaçkitin karvanin

Reuters raporton se rreth 13 mijë ukrainas ishin gati për t’u evakuuar përmes korridoreve humanitare gjatë ditës së shtunë.

Por, karvani nuk ka mundur që të largohet nga Mariupol, ku janë vrarë të paktën 1 582 civilë deri tani.

“Po bombardojnë (Mariupol) 24 orë në ditë, duke lëshuar raketa. Është çmenduri. Po vrasin fëmijë”, tha presidenti Volodymyr Zelenskiy.

Ushtarët rusë kanë plaçkitur karvanin humanitar që po përpiqej të arrinte Mariupol dhe kanë bllokuar një karvan tjetër ka thënë një zyrtar i Ukrainës për “Associated Press”.

Forcat ruse po mbajnë Mariupol të rrethuar prej të paktën 12 ditë dhe ushtria e Ukrainës thotë se kanë arritur të marrin kontrollin e periferisë së qytetit.

Me marrijen e Mariupol dhe porteve të tjera në Detin Azov, do t’i lejonte Rsisë që të krijonte një korridor tokësor me Krimenë e aneksuar prej 2014.