Dështuan të vrisin Ervis Matodashaj dhe Inez Hajrullën, SPAK kërkon burg për autorët

Prokuroria e Posaçme ka kërkuar dënimin me 11 vite burg për Leonard Luzin dhe Muharrem Koroveshin të cilën dyshohen si përsona që ishin të interesuar për vrasjën e Ines Hajrulles deh Ervis Matodashaj në Vlorë.

Për dëshmitarin e drejtësisë Amarildo Nikolli alias Xhenje Spak kërkon që ai të vuaj burg 2 vite e 9 muaj. Ky i fundit ka përfituar zbritje te dënimit për shkak të bashkpunimit me prokurorinë e ndërsa për Koroveshin dhe Luzin gjykimi u zhvillu me procedure të shkurtuar çka do të thotë që nga dënimi prej 11 vitesh i zbret në 1/3 e saj.

Hetimi i strukturës së posacme ka provuar me prova se Leonard Luzi, është financuar nga një person ende i paidentifikuar për të kryer vrasjet e dy shtetasve Ervis Matodashaj dhe Inez Hajrulla ku shkak dyshohet të jenë përplasjet për lojërat e fatit.

Leonard Luzi, ka krijuar një grup të strukturuar kriminal, pjesë e të cilit janë i pandehuri Amarildo Nikolli, që do të ishte ekzekutori si dhe Muharem Koroveshi, dhe Erio Zejno, në rolin e ndihmësit, ky i fundit ende në kërkim.

Koroveshi, dhe Zejno, kanë sjellë armët në banesën e të pandehurit Amarildo Nikolli në Vlorë, kanë ndihmuar në terren me gjetjen e personave të cilët ishin objektiv i atentatit, si dhe do të ndihmonin ekzekutorin Amarildo Nikolli, në largimin nga vendi i ngjarjes

Vrasja e shtetasve Ervis Matodashaj dhe Inez Hajrulla, nuk u bë e mundur, pasi në datën 07.08.2023, në orën 12:47, në lagjen “Uji Ftohtë”, në qytetin e Vlorës, gjatë kontrollit fizik kryer ndaj Amarildo Nikolli, nga shërbimet e policisë i janë gjetur dhe sekuestruar një pistoletë me një silenciator, me karikator të mbushur me 14 (katërmbëdhjetë) fishekë, si dhe një fishek i futur në folenë e qitjes. Ka rezultuar se ditën e arrestimit të tij, i pandehuri Amarildo Nikolli, kishte dalë pikërisht për të finalizuar krimin e porositur prej të pandehurit  Leonard Luzi.

LEXONI GJITHASHTU:

• Atentat ndaj disa personave në Greqi, konflikti mes familjeve rome nga Shqipëria
• Jo më fitime nga Tik Tok, kompania tërheq programin për shpërblimin e përdoruesve