Detaje nga zbulimi i laboratorëve të kokainës, operacioni në disa qytete

Një operacion i madh antidrogë u zhvillua mbrëmjen e të premtes në Tiranë dhe zona të tjera përreth kryeqytetit, ku u zbuluan dy laboratorë droge. Aksioni përfshiu kontrolle të gjera, duke përfshirë rezidencën e VIP-ave te Kodra e Diellit dhe një banesë private në Qerekë të Niklës, ku u zbuluan laboratorët e drogës.

Operacioni u zhvillua nën drejtimin e SPAK dhe në bashkëpunim me autoritetet ligjzbatuese spanjolle. Euronews mësuan se ka qenë një hetim disa mujor që çoi në zbulimin e laboratorëve të drogës.

Operacioni është shtrirë në disa qytete të vendit, në Durrës, Elbasan, Kavajë, në zonën e Niklës me qëllim arrestimin e personave të përfshirë në këtë veprimtari kriminale.

Struktura e Posaçme Anti-Korrupsion ka lëshuar mbi 10 urdhër-arreste, ku 5 prej tyre janë ekzekutuar, ndërsa forcat e policisë vijojnë punë për arrestimin e personave të tjerë.

Ende nuk është dhënë asnjë infomacion zyrtar mbi sasinë e kokainës të sekuestruar dhe identitetin e personave të arrestuar, pasi operacioni është ende në vijim e sipër.

Gjithashtu dyshohet se personat e arrestuar kanë bashkëpunuar edhe me grupe të huaja kriminale.

LEXONI GJITHASHTU:

• Aksion antidrogë te “Kodra e Diellit” në Tiranë, shoqërohen disa persona
• Brenda vilës te Kodra e Diellit, shërbente si laborator droge: Detaje nga operacioni