Detaje nga zjarri në Vlorë, u dogjën 1 lokal dhe 2 garazhe

Policia e Vlorës ka dhënë informacion zyrtar lidhur me zjarrin e rënë në zonën e Nartës pasditen e së mërkurës.

Përmes një njoftimi të shpërndarë për mediat policia bëri me dije se për shkak të një shkëndije elektrike ka rënë zjarr dhe është djegur një lokal me pronare shtetasen B. X., ku janë shkaktuar dëme materiale.

Si pasojë e përhapjes së këtij zjarri janë djegur edhe dy garazhe në pronësi të shtetasit Ll. M., ku ndodheshin të parkuara 1 automjet dhe 2 motorë.

Grupi hetimor po punon për zbardhjen e rrethanave të rastit dhe për përcaktimin e shkakut të rënies së zjarrit i cili paraprakisht dyshohet aksidental.