Detaje të reja nga atentati në Durrës, viktima me precedent penal

Pak pas mesnate, në orën 00:50, në lagjen nr. 18 të qytetit të Durrësit, është qëlluar me armë zjarri shtetasi Ermir Dedja, 29 vjeç, i cili ka ndërruar jetë në spital si pasojë e plagëve të marra.

Sipas burimeve, i riu Dedja sapo kishte zbritur nga makina kur është qëlluar me breshëri plumbash nga një armë kallashnikov.

Ai dyshohet se ishte i përfshirë në rrjete të grupeve kriminale, ndërsa kishte dy precedentë të njohur penalë: i pari për një çështje trafiku droge drejt Kosovës në vitin 2015, dhe një tjetër në vitin 2017 për një plagosje në Shijak, ku akuzohej për përkrahje të autorit të krimit.

Njoftimi i Policisë

“Më datë 20.05.2025, në orën 00:50, në lagjen nr. 18 Durrës, është qëlluar me armë zjarri shtetasi E. D., 29 vjeç, i cili ka humbur jetën në spital. Në vendngjarje kanë shkuar shërbimet e Policisë dhe po vijojnë kontrollet për kapjen e autorit/ve. Është ngritur një grup i posaçëm hetimor dhe nën drejtimin e Prokurorisë, vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të ngjarjes, identifikimin dhe kapjen e autorit/ve”, thuhet në njoftim.

LEXONI GJITHASHTU

• EMRI/ Atentat me armë zjarri në Durrës, vritet 29-vjeçari
• FOTO/ Kush është 29-vjeçari që u ekzekutua në atentatin mafioz në Durrës