EMRI/ Atentat me armë zjarri në Durrës, vritet 29-vjeçari

Një ngjarje e rëndë ka ndodhur gjatë orëve të natës në qytetin e Durrësit, ku një 29-vjeçar ka mbetur i vrarë me armë zjarri.

Burimet thonë se ka qenë një atentat i organizuar ndaj 29-vjeçarit Ermir Dedja, i cili është qëlluar me armë zjarri në lagjen nr. 18 të qytetit.

Dyshohet se atentatorët kanë qenë të maskuar dhe pasi kanë vrarë të riun Dedja janë larguar nga vendi i ngjarjes me një automjet ndërsa 29-vjeçari ka ndërruar jetë në spital si pasojë e plagëve të marra.

Plumbat kanë rënë dhe te një qendër shëndetësore, që ndodhej pranë vendit të ngjarjes ndërsa policia ka nisur hetimet për zbardhjen e plotë të rrethanave të ngjarjes dhe për identifikimin e autorëve.

Njoftimi i policisë

“Më datë 20.05.2025, në orën 00:50,  në lagjen nr. 18 Durrës, është qëlluar me armë zjarri shtetasi E. D., 29 vjeç, i cili ka humbur jetën në spital. Në vendngjarje kanë shkuar shërbimet e Policisë dhe po vijojnë kontrollet  për  kapjen e autorit/ve. Është ngritur një grup i posaçëm hetimor dhe nën drejtimin e Prokurorisë, vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të ngjarjes, identifikimin dhe kapjen e autorit/ve”, thuhet në njoftimin e policisë.

LEXONI GJITHASHTU

• Detaje të reja nga atentati në Durrës, viktima me precedent penal
• FOTO/ Kush është 29-vjeçari që u ekzekutua në atentatin mafioz në Durrës