Detajet nga alarmi për të shtëna në Elbasan, policia del me njoftim zyrtar

Policia e Shtetit ka dalë me një njoftim zyrtar ku ka sqaruar alarmin që u ngrit dje në Elbasan për të shtëna me armë.

Sipas Policisë, ka qenë një 66-vjeçar me inicialet F.P. i cili më datë 28.11.2025, rreth orës 20:30, ka njoftuar në sallën operative, se kishte dëgjuar të shtëna me armë zjarri afër banesës së tij, në lagjen “Vullnetari”.

“Menjëherë kanë shkuar shërbimet e Policisë dhe grupi hetimor, të cilët, nga këqyrja e vendit ku dyshohet se ishte qëlluar, nuk gjetën asnjë gëzhojë. Gjithashtu, në pjesën e sipërme të banesës, ku dyshohet se ishte qëlluar një herë me armë zjarri, nuk u gjet predhë plumbi”, njofton policia.

Vijon puna për sqarimin e rrethanave, si dhe për identifikimin dhe kapjen e autorit ndërsa materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

LEXONI GJITHASHTU:

• Të shtëna misterioze në një banesë në Elbasan, policia u njoftua nga qytetarët