Të shtëna misterioze në një banesë në Elbasan, policia u njoftua nga qytetarët

Të shtëna me armë janë raportuar mbrëmjen e së premtes pranë një banesë në Elbasan.

Sipas informacioneve paraprake, njoftimi është bërë nga qytetarë të zonës në sallën operative, e cila menjëherë ka vënë në lëvizje shërbimet policore.

Forcat e Policisë së Elbasanit shkuan në vendin e ngjarjes dhe kryen verifikimet e nevojshme për të sqaruar rrethanat e rastit.

Sipas burimeve nga vendi i ngjarjes, nuk rezulton për persona të lënduar, ndërsa deri tani policia nuk ka gjetur gëzhoja apo prova materiale që të konfirmojnë përdorimin e armës së zjarrit.

Megjithatë, dëshmitarë nga zona kanë pohuar se ka pasur një konflikt të dhunshëm mes disa personave, ku njëri prej tyre dyshohet të jetë me precedent penal.

Në këto momente pretendohet se janë dëgjuar krisma ndërsa policia ka pyetur disa individë për sqarimin e rrethanave të këtij rasti.

LEXONI GJITHASHTU:

• Detajet nga alarmi për të shtëna në Elbasan, policia del me njoftim zyrtar