Kardiologia: Dhimbjet në gjoks jo gjithmonë tregojnë probleme me zemrën, vizitohuni

Dhimbjet në gjoks nuk janë gjithmonë të lidhura me zemrën, por ato janë një sinjal që duhet të shkojmë tek mjeku. Kardiologia Manjola Liko në një intervistë për Euronews Albania thotë se në asnjë rast nuk duhet humbur kohë.

 ‘Kush do që ka një dhimbje në gjoks që zgjat 2-3 minuta është e rekomandueshme që të bëj një konsultë mjekësorë dhe një bilanc të analizave të gjaku, jo gjithmonë vjen nga zemra por nuk duhet neglizhuar’,-tha kardiologa Manjola Liko.

Me shqetësim kardiologia, thotë se mosha e pacientëve të saj tashmë ka zbritur në të 40-tat, dhe shkaqet janë disa.

 “40-50 vjeç, faktorë ndikues stili i jetesës, dieta, mos aktiviteti fizik dhe mos kontrolli faktorëve të riskut që këta persona bartin’,-tha Liko.

Ata që kanë një person në familje, që ka bërë vdekje të papritur, apo ka bërë sëmundje ishemike, infarkt miokardi e insult cerebral në moshë të re, duhet patjetër të nisin në moshë të hershme kontrollet tek mjeku dhe të mos presin shenjat e sëmundjes.

“Që tek të 30 duhet kontroll çdo 6 muaj nëse ka vdekje të papritur  në familje, ata që kanë prindër që vuajnë nga dislipidemitë, duhet që në moshën 20 të nisin analizat”,-tha kardiologia

Për popullatën e shëndetshme, kardiologia këshillon nisjen e kontrolleve periodike pas moshës 35 vjeç, ndër rekomandon të bëhet kujdes me stilin e jetesës.

LEXONI GJITHASHTU:

• “Gruaja me probleme të shendetit mendor shfrytëzohet seksualisht”, flet avokati
• “Gruaja me probleme të shendetit mendor shfrytëzohet seksualisht”, flet avokati