Dhunoi dhe kërcënoi me armë gjahu nënën, vihet në pranga 44-vjeçari

Një 44-vjeçar në Gjirokastër është arrestuar pasi ushtroi dhunë fizike dhe psikologjike ndaj nënës së tij dhe e kanosi atë me armë gjahu.

Atij i janë sekuestruar arma e gjahut çifte, municion luftarak, një armë e ftohtë (thikë) dhe një sasi lënde e dyshuar narkotike kanabis, që i posedonte 44-vjeçari.

“Specialistët e Seksionit për Hetimin e Krimeve të Komisariatit të Policisë Gjirokastër, menjëherë pas marrjes së kallëzimit nga një shtetase 71 vjeçe, se djali i saj e kishte dhunuar dhe e kishte kanosur me armë gjahu, kanë organizuar menjëherë punën dhe kanë arrestuar në flagrancë shtetasin Y. P., 44 vjeç, banues në fshatin Zhulat, Gjirokastër.

Ky shtetas ka ushtruar dhunë fizike dhe psikologjike ndaj nënës së tij dhe e ka kanosur atë me një armë gjahu çifte që e posedonte me leje.

Arma e gjahut u sekuestrua në cilësinë e provës materiale së bashku me një sasi municioni luftarak për këtë lloj arme, një sasi lënde të dyshuar narkotike kanabis dhe një armë të ftohtë thikë, që i posedonte 44-vjeçari.

Materialet i kaluan Prokurorisë, për veprime të mëtejshme”,- thuhet në njoftimin e policisë.

LEXONI GJITHASHTU:

• E trishtë| Aktori 25-vjeçar i “Euphoria” ndërron jetë një javë pasi humbi të atin
• Spahiu: S’ka turizëm elitar kur djeg plehrat apo derdh ujërat e zeza në det