Dhunoi fëmijën e saj 3-vjeçe, futet në “telashe” 22-vjeçarja në Durrës

Një 22-vjeçare është proceduar penalisht nga policia në qytetin e Durrësit, pas një videoje të publikuar në rrjete sociale, ku shihej teksa dhunonte fëmijën e saj të mitur.

Specialistët për Hetimin e Krimeve të Komisariatit të Policisë në Durrës, në bashkëpunim me specialistët për Hetimin e Krimeve të Komisariatit të Policisë Peqin, kanë bërë të mundur identifikimin e shtetases K. A., 22 vjeçe, banuese në Peqin, por që lëviz vazhdimisht në qytete të ndryshme.

Në momentin e lokalizimit dhe shoqërimit, shtetasja K. A. ka qenë me foshnjen e saj 6-muajshe dhe me fëmijën e mitur 3 vjeçe, që shfaqej duke dhunuar në video.

22-vjeçarja është marrë në pyetje në prani të Shërbimit Social Durrës dhe psikologes dhe pas konsultimit me prokurorin, u vendosprocedua në gjendje të lirë për shkak se është nënë e një foshnjë 6-muajshe.

Materialet në ngarkim të saj i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Keqtrajtimi i të miturve”.

LEXONI GJITHASHTU:

• Filmuan përdhunimin live, Policia: Kemi nisur hetimet pasi jemi njohur me videon
• Gjendet i mbytur në kanal 59-vjeçari i shpallur në kërkim nga policia