Dialogu Kosovë-Serbi, sot zhvillohet takimi i kryenegociatorëve në Bruksel

Sot pritet të zhvillohet takimi i radhës në kuadër të dialogut mes Kosovës dhe Serbisë, në nivel kryenegociatorësh.

Bashkimi Evropian e kishte konfirmuar se më 17 dhjetor do të mbahet takimi mes zëvendëskryeministrit të Kosovës Besnik Bislimi dhe drejtorit të Zyrës për Kosovën në Qeverinë e Serbisë, Petar Petkoviç.

Zëdhënësja e BE-së për Politikë të Jashtme dhe Siguri, Anitta Hipper ka thënë se të dy palët kanë konfirmuar pjesëmarrjen në këtë takim dhe se aty do të “shqyrtojnë një sërë çështjesh, përfshirë atë për zbatimin e Marrëveshjes për normalizimin e marrëdhënieve”.

Zëvendëskryeministri i Kosovës, Besnik Bislimi, dhe Petar Petkoviç nga Qeveria e Serbisë u takuan herën e fundit në tetor.

LEXONI GJITHASHTU:

• MPJ e Serbisë: Projektligjet për serbët në Kosovë s’i shkelin zotimet e dialogut
• Mospajtime të mëdha në BE rreth heqjes së masave ndaj Kosovës