Diaspora shqiptare ngre në këmbë Hagën! Behrami: Jo proces politik ndaj UÇK

Në gjykatën speciale në Hagë po zhvillohet gjyqi ndaj ish-krerëve të UÇK, ndërsa jashët gjykatës diaspora shqiptare është duke protestuar.

Artan Behrami, ish-këshilltar i ish-Presidentit Hashim Thaçi tha në një intervistë për Euronews Albania se bashkimi i diasporës në Hagë nuk ka për qëllim që t’i bëjë presion gjykatës, por të kërkojë që procesi ndaj ish-krerëve të UÇK dhe Kosovës të mos jetë politik, siç ka qenë deri tani.

“Nuk është presion ndaj gjykatës, prej mbi 2 vjet e gjysmë ka pasur përpjekje të prokurorisë për të shtyrë procesin ndërsa kërkesa e diasporës është që të mos ketë gjyq politik që të ndryshojë historinë e Kosovës. Kjo e ndihmon edhe gjykatën, kërkesa është të mos ketë vonesa dhe procedura artificiale për ta shtyrë, por një vendim sa më të shpejtë. Kjo gjykatë e ka selinë në Beograd, nesër do jetë radha e mbrojtjes dhe  o të dalë në dritë e vërteta. Kosova ka qenë partnere e NATO-s gjatë luftë dhe kurrsesi nuk mund të kenë kryer krimet për të cilat akuzohen”, tha Behrami.

LEXONI GJITHASHTU:

• “Selimi përshëndeti gruan, Thaçi më serioz”, gazetari tregon ç’ndodhi në Hagë
• Protestë në Hagë në mbështetje të ish-krerëve të UÇK-së