Digjen tre makina në Vlorë, dyshohet për zjarrvënie të qëllimshme

3 makina janë përfshirë nga flakët në orët e para të mëngjesit të ditës së sotme në lagjen ‘Pavarësia’ në Vlorë në zonën e njohur si Albano&Romina.

Nga zjarri janë djegur dy makina dhe pjesërisht një e tretë. Forcat zjarrfikëse kanë parandaluar përhapjen e zjarrit te makinat e tjera të parkuara pranë.

Sipas informacioneve paraprake shkaku i zjarrit mendohet i qëllimshëm.

Njoftimi i policisë:

Mëngjesin e sotëm, në lagjen “Pavarësia”, Vlorë, janë përfshirë nga flakët 3 automjete të parkuara afër njëra-tjetrës, 2 prej tyre tip “Ford” të cilat janë djegur pjesërisht dhe njëri tip “Volkswagen” që është djegur plotësisht.

Paraprakisht dyshohet se zjarri është vënë qëllimisht.

Grupi hetimor po punon për zbardhjen e shkakut të vënies së zjarrit, identifikimin dhe kapjen e autorit.

LEXONI GJITHASHTU:

• Mjeku: Kujdes! Me 1 gradë rritje të temperaturës, rriten 4.5% shanset për vdekshmëri
• Gjendet pa jetë 30-vjeçari në Koplik, dyshohet të jetë sirian