Digjet një makinë në rrugën Kardhiq-Delvinë, dyshimet e para

Një automjet, pasditen e sotme është përfshirë nga flakët ndërsa udhëtonte në rrugën Kardhiq-Delvinë.

Automjeti tip “Skoda” është përfshirë nga flakët në pjesën e motorit. Makina po udhëtonte në drejtim të Sarandës.

Nga zjarri janë shkaktuar vetëm dëme materiale ndërsa nuk janë lënduar personat  që udhëtonin në makinë. Shkak i zjarrit dyshohet të jenë temperaturat e larta dhe tejnxehja e motorit të automjetit.

Përpara disa ditësh një tjetër makinë u përfshi nga flakët ndërsa udhëtonte në këtë rrugë në hyrje të tunelit të Skërficës.