Dinamo dhe Egnatia sigurojnë kualifikimin në turin e tretë të UEFA Conference League

Pas 15 vitesh pritje, Dinamo City rikthehet në skenën europiane me një sukses historik, duke siguruar për herë të parë në historinë e klubit kualifikimin në turin e tretë të UEFA Conference League.

Në një ndeshje emocionuese në ‘Elbasan Arena’, që përfundoi në barazim 1-1 ndaj skuadrës nga Andorra, Atletic D’Escaldes, kryeqytetasit vulosën kalimin falë fitores 2-1 në sfidën e parë në transfertë, duke shkruar një kapitull të ri në historinë e tyre europiane.

Ky sukses shënon arritjen më të madhe të Dinamos në garat ndërkombëtare, pas rikthimit në Evropë pas 15 vitesh mungesë.

Trajneri Ilir Daja e cilësoi fitoren si shumë të vlefshme, duke ia dedikuar ekipit, tifozëve dhe presidentit Bardhi ndërsa tanimë përballëdo të kenë gjigantët e Hajdukut të Splitit në datat (7 dhe 14 gusht).

Në Rrogozhinë, kampionia e Shqipërisë, Egnatia, sigururoi kualifikimin me rezultatin e përgjithshëm 3-0, pas fitores 1-0 ndaj Dinamo Minsk.

Golin e vetëm të takimit e realizoi Kastriot Selmani, duke shënuar një moment historik për skuadrën e trajnerit Edlir Tetova.

Në turin e tretë, Egnatia do të përballet me Olimpija Ljubljana, me ndeshjen e parë që zhvillohet më 7 gusht në Slloveni dhe kthimin në Rrogozhinë një javë më pas.

Ndërkohë, Vllaznia u eliminua pas një sfide dramatike ndaj Vikingur Reykjavik. Pas fitores 2-1 në Shkodër, shkodranët u mposhtën në Islandë me rezultatin 4-2 pas kohës shtesë, duke u eliminuar me shifrat e përgjithshme 5-4.

LEXONI GJITHASHTU:

• Humbja dramatike me Vikingur Reykjavik në Islandë, Vllaznia eliminohet nga Europa
• Egnatia, Vllaznia dhe Dinamo e nisin me fitore raundin e dytë të Conference League