Egnatia, Vllaznia dhe Dinamo e nisin me fitore raundin e dytë të Conference League

Ekipet shqiptare Egnatia, Dinamo dhe Vllaznia kanë regjistruar fitore në ndeshjet e para të raundit të dytë kualifikues në Conference League, duke shfaqur paraqitje pozitive dhe duke marrë avantazh për ndeshjet e kthimit që do të luhen pas një jave.

Egnatia, pas eliminimit nga Champions League, dominoi në transfertë ndaj Dinamos së Minskut duke marrë një fitore 2 me 0 me golat e shënuar nga Lushkja dhe Bakayoko.

Sa i përket dy ekipeve të tjera, Dinamo dhe Vllaznia po ashtu dhuruan paraqitje pozitive, duke rrëmbyer një fitore me përmbysje, që vlen shumë për duelin e kthimit.

Në Loro Borici, shkodranët u ndëshkuan shpejt, pasi Vikingur kaloi përpara me Gunnarsson që në minutën e 10’.

Një gol që vetëm e zgjoi Vllazninë e cila ishte dominuese përgjatë gjithë takimit, por përmbysja erdhi në fraksionin e dytë, me golat e shënuar nga Bajrami dhe Mala që i dhanë shkodranëve fitoren 2 me 1.

Ndërsa Dinamo ishte e para e cila mori një fitore 2 me 1 të enjten në transfertën ndaj Athletic Escaldes.

Nëndetësja e mbylli në disavantazh pjesën e parë, pasi ishte Vieira që kaloi përpara të tijët.

Në pjesën e dytë tentativat e futbollistëve të Dinamos ishin të shumta, ndërsa gjetën golin me Zabërgjan pas një gabimi të portierit kundërshtar.

Katër minuta nga fundi ishte Qardaku që dyfishoi, duke i dhënë një fitore shumë të rëndësishme skuadrës së tij, ndërsa 1 javë më pas luhen ndeshjet e kthimit.

LEXONI GJITHASHTU:

• Ndahet nga jeta në moshën 71 vjeçare legjenda e wrestling Hulk Hogan
• Vllaznia përmbys Daugavpils dhe kualifikohet në Conference League, shkëlqen Dodaj
• Kualifikueset e Conference League, Dinamo City dhe Vllaznia zbresin në fushë