Vllaznia përmbys Daugavpils dhe kualifikohet në Conference League, shkëlqen Dodaj

Vllaznia e Shkodrës ka bërë surprizën duke kaluar turin e parë kualifikues të Conference League, pas fitores 4-2 në transfertë ndaj Daugavpils pasi përmbysi humbjen 0-1 në ndeshjen e parë në Elbasan Arena.

Skuadra shkodrane kaloi e para në avantazh në minutën e 22 me golin e Mensah, por vendasit arritën të përmbysnin rezultatin dhe të mbyllnin pjesën e parë me avantazhin 2-1.

Megjithatë, Vllaznia riktheu baraspeshën para pushimit dhe në pjesën e dytë talenti Dodaj u aktivizua fuqishëm, duke shënuar golin e avantazhit në minutën e 74 dhe më pas duke asistuar për golin vendimtar të Males në minutën e 87, që vulosi fitoren dhe kualifikimin me rezultatin e përgjithshëm 4-3.

Në turin e dytë, Vllaznia do të përballet me fituesin e çiftit Malisheva e Kosovës – Vikingur e Islandës.

Lojtarët dhe stafi festuan përpara tribunës së tifozëve shkodranë që mbështetën ekipin gjatë gjithë ndeshjes.

LEXONI GJITHASHTU:

• Xhaferi optimist për kualifikimin e Vllaznisë në Letoni, shmang komentet për Grudën
• Vllaznia mposhtet minimalisht nga Daugavpils, barazim shprese për Partizanin