“Diploma është e imja, pse të mbahet peng”, studentja: Të na trajtojnë me dinjitet

Studentja e mjekësisë tha në “Review” në Euronews Albania se nëse studentët e mjekësisë trajtohen me dinjitet në vendin e tyre, nuk kanë përse të largohen.

Megjithatë ajo tha se gjithsesi nuk ka pse të ketë detyrime për studentët nëse ata duan të studiojnë jashtë ato të marrin një eksperiencë të caktuar jashtë, pasi edhe kjo i shërben vendit në momentin që ata kthehen më të specializuar.

“Vetëm fjala që mbahet peng diploma, vetëm ky term duhet t’i alarmojë të gjithë e të thotë pse duhet të mbahet peng diploma? Ky detyrim është ajo që na bëri të ngrihemi në protestë. Vitet nuk duhet të vihen fare në diskutim. Në momentin që kushtet do të plotësohen, në momentin që ne do të trajtohemi ashtu siç meritojnë mjekët, por edhe studentët në tërësi, pse duhet te largohemi ne? Pastaj sigurisht ka njerëz që duan të largohen për një rritje profesionale e për të kontribuar këtu. Pse duhet ti pengosh?”-tha ajo.

LEXONI GJITHASHTU:

• “40% më pak studentë në mjekësi”, deputetja: Qeveria jep akoma para për koncesionet
• “Ministrja refuzoi të na takonte”, studenti: Sot do e kishim ligjin për Mjekësinë…