Dy klubeve të kryeqytetit, Tiranës dhe Dinamos, iu është bllokuar merkato për tre periudha, për shkak se nuk kanë shlyer detyrimet ndaj ish-futbollistëve të tyre.

Kjo njoftohet nga FSHF e cila ka publikuar vendimet e Komisionit të Disiplinës.

VENDIME

Dinamo City, për dështim në ekzekutimin e vendimit nr. 14, datë 15.03.2024 të Dhomës Kombëtare të Zgjidhjes së Mosmarrëveshjeve, në bazë të nenit 29/1/c të KDE, vendoset ndalimi i regjistrimit të lojtarëve të rinj për 3 (tre) periudha regjistrimi deri në pagesën e plotë të detyrimit.

KF Tirana, për dështim në ekzekutimin e vendimit nr. 13, datë 19.02.2024 të Dhomës Kombëtare të Zgjidhjes së Mosmarrëveshjeve, në bazë të nenit 29/1/c të KDE, vendoset ndalimi i regjistrimit të lojtarëve të rinj për 3 (tre) periudha regjistrimi deri në pagesën e plotë të detyrimit.

Gjithashtu Tirana dhe Kukësi, janë paralajmëruar për shlyerjen e detyrimeve ndaj Visar Bekajt dhe Atdhe Rashitit, pasi në të kundërt do të përballen me dënime.

Pranimin e kërkesës së kërkuesit Visar Bekaj. KF Tirana, për dështim në ekzekutimin e vendimit nr. 18, datë 25.07.2024 të Dhomës Kombëtare të Zgjidhjes së Mosmarrëveshjeve, në bazë të nenit 29/1/b të KDE, i jepet një afat paralajmërues prej 30 (tridhjetë) ditësh për të ekzekutuar vendimin.

Ndërsa për sherrin e ndodhur në futbollin e femrave, te Gramshi është pezulluar drejtoresha Edonisa Aliu me 15 ndeshje, po ashtu edhe lojtaret Fleta Musaj me 10 ndeshje dhe Klesta Ago me 4 ndeshje. Te Partizani i vajzave, është pezulluar zyrtarja Aurora Seranaj me 10 ndeshje, për sulm ndaj kundërshtarëve.

LEXONI GJITHASHTU:

• Mbyllet java e 18-të e Superligës, Dinamo në krye bashkë me Vllazninë
• Tirana kërkon fitoren ndaj Teutës, 2 rikthime te klubi bardheblu