Superliga shqiptare ka mbyllur javën e 18-të të saj, ku nuk kanë munguar rezultatet interesante, natyrisht dhe ato surprizë. Një prej tyre ishte fitorja e Teutës në shtëpi përballë Egnatias, me rrogozhinasit që humbën mundësinë të rikthehen në krye. Durrsakët triumfuan në shtëpi pas golave të Bocit dhe Tomës, ndërsa për miqtë shënoi Bakayoko, teksa u shpërdorua një 11-metërsh në minutat e fundit.

Paralelisht, në Korçë, Skënderbeu vendas barazoi me Bylisin 2-2. Të shtunën u zhvilluan 3 përballje ku bie në sy fitorja në derbin me Tiranën e Dinamos apo Vllaznia që mposhti Laçin në “Loro Boriçi”. Në Arenën e Demave, Partizani nuk shkoi më shumë se një barazim 2-2 me Elbasanin. Në krye të klasifikimit qëndron “nëndetësja”, e ndjekur nga Vllaznia, të dyja me 31 pikë.

Më tej renditja vijon e tillë: Partizani, Egnatia, Elbasani, Teuta, Tirana, Laçi, Bylis dhe në fund Skënderbeu. FSHF gjithashtu ka publikuar edhe formacionin më të mirë të kësaj jave, ku trajneri është Ilir Daja.

LEXONI GJITHASHTU:

• Serbia pa tifozë në përballjen kundër Shqipërisë për kualifikueset e Botërorit
• Të hënën zyrtarizohet Europiani U-21, kompeticioni mes Shqipërisë dhe Serbisë