Disiplina ndëshkon Vllazninë, shkodranët gjobiten me 200 mijë lekë pasi lejuan disa tifozë në stadium

Pjesëmarrja e disa tifozëve në tribunën e “Loro Boriçit” gjatë sfidës mes Vllaznisë dhe Partizanit, u ka kushtuar shtrenjtë shkodranëve, që janë dënuar me gjobë prej 200 mijë lekësh të reja, për mos përmbushjen e detyrimeve për organizimin e ndeshjes.

Komisioni i Disiplinës vendosi që të ndëshkonte skuadrën shkodrane pas ankesës së drejtorit të Partizanit, Olsi Rama.

Ky i fundit vuri re praninë e një numri më të lartë të tifozëve nga sa parashikon protokolli i FSHF dhe e cilësoi si të padrejtë faktin që Vllaznia kishte tifozë dhe skuadrat e tjera jo.