Diskiminimi në vendet e punës vijon të jetë një problematikë në Shqipëri, sidomos për studentët të cilët sapo përfundojnë universitetin.

Studenti, Endri Beha tha për emisionin “Mirëmëngjes” në “Euronews Albania”, se ka aplikuar në disa kompani të cilat lidhen me profilin e tij të studimit.

Ai u shpreh se i kanë kërkuar zotërimin e disa elementëve, që sipas tij, një i ri nuk mund t’i ketë pa filluar punë.

“Unë jam në fund të mbylljes së shkollës dhe mendoj se ky diskriminim është shumë i madh. Na kërkohet praktika, përvoja, elemente të cilat një i ri nuk mund t’i ketë pa filluar punë.

Kam dërguar CV në 5 kompani dhe dy kanë thënë se pjesa e praktikës është shumë problem, ndërsa të tjerat kanë kërkuar eksperiencë dhe thonë se duhet të presësh.
Nuk kam dërguar CV vetëm për profilin tim, por edhe në profile të tjera dhe është e njëjta gjë”, theksoi ai.

LEXONI GJITHASHTU

• Në Shqipëri po theksohet diskriminimi ekonomik, sipas aktivistes
• Muhaj: Diskriminimet krahinore janë artificiale, nuk ekzistojnë në realitet