Disney planifikon të pushojë nga puna afërsisht 32,000 punonjës

Disney planifikon të pushojë nga puna afërsisht 32,000 punonjës në gjysmën e parë të vitit 2021.

Përfaqësues të kompanisë Disney Walt kanë folur për këtë lajm duke thënë se:

“Për shkak të situatës aktuale, duke përfshirë edhe ndikimin e COVID-19 dhe ndryshimet mjedisore, në të cilat po operojmë, kompania ka treguar efikasitet në organizimin e stafit, duke përfshirë kufizimin e numrit të punonjësve”.

Kompania Walt Disney tha se do të hiqte nga puna “afërsisht 32,000 punonjës”, kryesisht në parqet e Disney Land.

Por ky lajm nuk ishte krejt i papritur sepse në shtator, kompania kishte dhënë njoftimin se 28,000 punonjës – shumë prej të cilëve ishin punonjës me kohë të pjesshme – do të pushoheshin nga puna.

Disney Land ishte mbyllur që në filimet e pandemisë, dhe prej numrit shumë të ulët të vizitorëve këtë vit krahasimisht me vitet e shkuara, kompania po përballet me një krizë financiare.