Ditëlindja e Thaçit, Rama: Ditë e vrenjtur për mua, s’e uroj dot sivëllaun tim

Kryeministri Edi Rama, me anë të një postimi në rrjetin social Facecbook, ka uruar  ditëlindjen e ish- presidentit të Kosovës Hashim Thaçit.

Urimi i tij nuk ka qenë një urim i zakonshëm, pasi siç shprehet ai nuk e si në rast se Thaçiu do mund të lëxojë urimin e tij, pasi ai është marrë peng, siç shprehet Rama “ jo nga forca të errëta e të panjohura, po nga Bashkësia e Lartë Ndërkombëtare”.

“Sot ka qenë një ditë e vrenjtur edhe brenda meje. Zakonisht në këtë ditë të vitit jam mësuar, prej vitesh, t’i uroj ditëlindjen sivëllait tim, Presidentit të Republikës së Kosovës, Hashim Thaçi. Dhe pengesa për t’ia uruar ditëlindjen një njeriu të dashur, të gjallë e të marrë peng në rrethana të njohura, jo nga forca të errëta e të panjohura, po nga Bashkësia e Lartë Ndërkombëtare, ka gjithë ditën që më rri mbi kokë si boshllëk i zymtë, thithës e lodhës.

Nuk desha ta bëj në mëngjes një urim digjital me foton e me fjalët që i thuhen dikujt që edhe mund ta marrësh në telefon, nuk e di, një ngërç në fyt më pengoi, një si inat prej pafuqisë ma ndaloi.

As e kam dot idenë nëse sivëllau im do të mund t’i lexojë sot këto rreshta, që as urim nuk janë edhe pse urimin që të jetojë sa malet e Shqipërisë unë po e bëj, por di me siguri që në këtë ditëlindje të Hashim Thaçit kam tërë ditën që më rri si gozhdë e ngulur në tru pyetja: A e dinin vallë ata, miqtë tanë të mëdhenj që e lindën atë gjykatë, se historia e saj do të zhvillohej kështu, kaq zymtësisht e padrejtë me njerëz që luftuan për lirinë e popullit të tyre dhe me vetë Kosovën?!

Kam frikë se të vërtetën për këtë s’kam për ta marrë vesh kurrë. Po ndoshta këtë frikë e kam nga vranësira brenda meje që s’ia urova dot ditëlindjen Hashimit me telefon, siç jam mësuar prej shumë vitesh.

Edhe 100 Komandant!”-shkruan Rama.

LEXONI GJITHASHTU:

• Presidenti Begaj uron Kosovën: Sa më shpejt anëtare me të drejta të plota në KiE
• “Vrasësi i Nikualj lëvizi 17 km dhe s’u ndalua”, Gazetari: Ku mund të jetë larguar