Djegia e tonelatave me plehra në Shijak, Meta: Krim mjedisor

Ilir Meta në një konferencë për mediat u shpreh se Edi Rama po bën një “sulm kimik” në Shijak.

Kreu i Partisë së Lirisë, bashkë me Petrit Vasilin dhe Edmond Panaritin denoncoi djegien e tonelatave me plehra atje.

Ndërsa qytetarët paguajnë më shumë taksa për pastrimin, Meta tha se ata po helmohen nga arroganca dhe papërgjegjshmëria e bashkive.

“Ta kthesh atë zonë të mrekullueshme në një vend terrori ndaj qytetarëve për t’i frikësuar ata që të mos protestojnë për plehrat që ua depozitojnë si male përpara shtëpive të tyre dhe të mos ankohen dhe kur ua djegin hapur dhe qëllimisht është shumë e rëndë dhe e papranueshme, aq më tepër të gënjesh pas kapjes në flagrancë,” – u shpreh Meta.

Kreu i Partisë së Lirisë e cilësoi djegien e plehrave në Shijak një krim mjedisor që favorizon inceneratorët.

LEXONI GJITHASHTU:

• Meta: Shumë shpejt nisim protestat, datën do ta mësoni brenda 24 orëve