“Do hapte restorant”, Maçi zbërthen vrasjen në Sukth: Provat që ka në dorë policia

Gazetari Merin Maçi tha në një intervistë për “Now me Erla Mëhillin” se Fatjon Dervishi ose Ton Margen, 37-vjeçari që u vra në të gdhirë të së mërkurës, do të hapte një restorant në Sukth.

Emrin e dytë, sipas gazetarit, e përdorte në Holandë, aty ku ka dyshime të arsyeshme se është përfshirë në trafikun e lëndëve narkotike.

“Kishte rreth 4 muaj që ishte kthyer në Shqipëri dhe të paktën nga informacionet që unë kam, po planifikonte hapjen e një biznesi në zonën e Sukthit, të një bar restoranti dhe prej 4 muajsh ishte kthyer jo nga Holanda, por nga shteti italian, ku kishte dhe bashkëshorten dhe djalin e tij që jetojnë atje. Edhe mënyra si është ndjekur për ekzekutimin e 37-vjeçarit tregon se pikërisht se ajo që ai përfaqësonte fshihte diçka më të madhe se vetë emri që kishte në zonë, ku të paktën nga fqinjët njihej si një person korrekt dhe jo problematik,” – u shpreh Maçi.

LEXONI GJITHASHTU:

• FOTO| Kush është viktima në Sukth, zbardhet dëshmia e shokut: Na qëlluan me breshëri
• EMRI| U gjet e zhveshur poshtë urës, kush viktima 32-vjeçare nga Sukthi