Do hiqen vaksinat e COVID nga tregu? Flet përfaqësuesja e EMA

AstraZeneca po e tërheq vaksinën e saj Covid-19 në mbarë botën, disa muaj pasi gjigandi farmaceutik pranoi se ilaçi mund të shkaktojë problem të rralla, por kërcënuese për jetën.

Aplikimi për tërheqjen e vaksinës nga BE u bë më 5 mars dhe hyri në fuqi më 7 maj.

AstraZeneca pak dite me pare pranoi se vaksina e saj, mund të shkaktojë efekte të rralla anësore si mpiksjen e gjakut dhe numër të ulët të trombociteve në gjak.

Ornela Ademi, përfaqësuese e Agjencisë Evropianë të Barnave, EMA tha në emisionin GoodMorning Albanians në Euronews Albania se kontrolli për efektet anësore të vaksinave bëhet në mënyrë të detajuar për të gjitha vaksinat dhe çdo vaksinë e hedhur në treg monitorohet në mënyrë rigoroze.

“Nuk ka rreziqe për efektet anësore afatgjata të vaksinave se nëse kanë pasur një efekt shumë të rrezikshëm e kanë shfaqur 2 muaj pasi i ke marrë atë, nga kjo anë duhet të jemi të sigurt se efekte anësore nuk do shfaqen më. Nuk ka asnjë efekt anësor në vaksinat e tjera, ato aplikohen në tregjet ndërkombëtare. Kompanitë farmaceutike, nëse nuk ka shitje, mund ta tërheqin nga tregu. Astrazeneca nuk ka bëtë përshtatje për variantet e reja të virusit ndaj ra edhe shitja e saj në treg, vaksinat e tjera kanë nxjerrë forma të ndryshme për variantet e virusit”, tha ajo.

LEXONI GJITHASHTU:

• Drejt mbarimit vaksinat kundër kancerit të mitrës, Daja: Presim doza të tjera
• OBSH: Vaksinat shpëtuan 154 milionë jetë në 50 vjetët e fundit