Kryeministri i Kosovës Albin Kurti, ka reaguar sërish në lidhje me me sulmin terrorist të ndërmarrë nga grupet e armatosura serbe në verin të Kosovës, më 24 shtator.
Përmes një postimi në platformën “X”, Kurti ka shkruar se në bazë të dokumenteve të konfiskuara e të konfirmuara nga Policia e Kosovës, plani i agresorëve ishte aneksimi i veriut të Kosovës.
Sipas shefit të qeverisë në Prishtinë, terroristët do të krijonin një kordon sigurie për të mundësuar furnizimin me trupa dhe armë nga Serbia.
“Në bazë të dokumentacionit të konfiskuar nga Policia e Kosovës, konfirmohet se sulmi terrorist ishte pjesë e një plani më të madh për të aneksuar veriun e Kosovës, nëpërmjet një sulmi të koordinuar në 37 pozicione të dallueshme. Do të pasonte krijimi i një korridori për në Serbi, për të mundësuar furnizimin me armë dhe me trupa”, ka shkruar kryeministri Albin Kurti.
Kujtojmë se plani i organizuar për destabilizimin e Kosovës, u zbulua më datë 24 shtator, ku pas një përplasjeje të armatosur mes policisë së Kosovës dhe terroristëve humbi jetën efektivi Afrim Bunjaku.
Më pas grupi i armatosur u tërhoq në manastirin e Basnjkës, ku pas një përplasje me policinë e Kosovës ndërruan jetë të paktën 3 prej tyre.
Policia e Kosovës ka vazhduar me operacionet e saja ku ka konfiskuar arsenal armësh në zonën ku ndodhi sulmi, duke përfshirë këtu: granatahedhës, antiplumb, karikator me fishekë, kapela ushtarake, dorëza, pushkë gjuetie, snjaper, radiolidhje.
LEXONI GJITHASHTU:
- A u tërhoq me të vërtetë Vuçiç? Eksperti zbulon sa trupa janë në kufi
- Vuçiç mohon vendosjen e ushtrisë në kufi me Kosovën: Gënjeshtra kundër vendit tonë
