Presidenti i Serbisë, Aleksandër Vuçiç ka mohuar deklaratat e SHBA-së dhe te BE për vendosjen e forcave ushtarake përgjatë kufirit me Kosovën.

“Një fushatë gënjeshtrash është nisur kundër Serbisë tonë”, është përgjigjur presidenti Aleksandër Vuçiç në një video postim në Instagram.

“Ata kanë gënjyer shumë për praninë e forcave tona ushtarake… Në fakt, ata janë të shqetësuar që Serbia ka atë që ata e përshkruajnë si armë të sofistikuara”, tha ai.

Si Shtetet e Bashkuara ashtu edhe Bashkimi Evropian shprehën shqetësim në fillim të kësaj jave për vendosje e shtuar ushtarake nga kufiri i Serbisë me Kosovën dhe i kërkuan Beogradit të zvogëlojë praninë e trupave atje.

Presidenti i Serbisë, Aleksandër Vuçiç, tha të dielën se “brenda 24 orëve” ai do t’ia paraqesë publikut “provat dhe tregimet e dëshmitarëve që ishin në vendin e ngjarjes”, gjatë sulmit kundër Policisë së Kosovës në fshatin Banjskë në veri të Kosovës.

Në një video të publikuar në Instagram, ai theksoi se “Serbia nuk do të qetësohet derisa të dihet e vërteta për atë që ndodhi në Banjskë”, ku mbetën të vrarë një polic i Kosovës dhe të paktën tre sulmues serbë më 24 shtator.

Të premten, Millan Radoiçiç e mori përgjegjësinë për sulmin ndaj Policisë së Kosovës, dhe dha dorëheqje nga posti i nënkryetarit të Listës Serbe – partisë më të madhe të serbëve në Kosovë, e cila e ka mbështetjen e Qeverisë serbe.

Serbia i ka mohuar akuzat e Kosovës se ajo është përfshirë në këtë sulm të cilësuar si terrorist nga autoritetet kosovare.

Vuçiçi tha se “nuk e ka ndër mend ta urdhërojë ushtrinë” të kalojë kufirin me Kosovën dhe se do t’i tërheqë forcat serbe nga ajo pjesë, duke pretenduar se nuk është e vërtetë se Serbia po e dërgon ushtrinë në kufi.

“Vitin e kaluar kishim 14,000 njerëz pranë vijës administrative, sot kemi 7,500 dhe do ta reduktojmë në 4,000,” tha Vuçiç.

Zhvendosja trupave serbe përgjatë kufirit me Kosovën vjen rreth një javë pas sulmit të 24 shtatorit ndaj Policisë së Kosovës në Banjskë të Zveçanit.

Ajo u sulmua në një pritë nga një grup i armatosur derisa po shkonte për të kontrolluar bllokimin e një rrugë pranë një ure në Basnjkë, ku mbeti i vrarë rreshteri Afrim Bunjaku.

Sulmuesit u strehuan në manastirin e fshatit ku e vazhduan konfrontimin me policinë, dhe si pasojë tre prej tyre u vranë.

Ai nënvizoi se përshkallëzimi i konfliktit do të ishte “kundërproduktiv kur bëhet fjalë për dëshirën e Serbisë” për t’u bërë anëtare e Bashkimit Evropian.

Vuçiçi i quajti joproporcionale paralajmërimet e Shteteve të Bashkuara, duke thënë se se numri i forcave serbe në terren “është duke u zvogëluar.”

LEXONI GJITHASHTU:

• A u tërhoq me të vërtetë Vuçiç? Eksperti zbulon sa trupa janë në kufi
• “Do krijohej kordon për futjen e trupave”- Kurti: Plani i serbëve sipas dokumenteve