‘Do loboj fuqishëm’, Berisha tregon ligjin: Mënyra që Rama të dalë para drejtësisë

Kryetari i Partisë Demokratike, Sali Berisha deklaroi se shumë shpejt do të publikojë ligjin që përjashton nga parashkrimi i veprave penale, kryeministrat dhe ministrat.

Në një deklaratë për mediat nga selia blu, pyetur nga Euronews Albania, Berisha u shpreh se do lobojë fuqishëm dhe se në javët në vijim do e depozitojë në Parlament.

“Do të ishte këtu sot para jush, po dolën charterat e Edi Ramës, që bëri lajm botëror. Ligji është gati, para se të dorëzohet, do paraqitet para jush. Të hënën do paraqitet para jush dhe javët në vazhdim do të dorëzohet në Parlament. Do loboj fuqishëm, nuk e bëj për asgjë, por me ndërgjegjen dhe bindjen më të thellë, se pa këtë ligj, ky vend po shkatërrohet nga korrupsioni.

Në vitin 2012, ne hoqëm imunitetet për korrupsionin, por heqja e imuniteteve nuk ka prodhuar efekt, pasi e ka futur drejtësinë në xhep. Atëherë kam menduar se për t’i bërë detyruar të thërrasin mendjen atyre kryeministrave dhe ministrave që vjedhin pasurive, do të vendosim një nen për parashkrimin. Kur të ikë nga kryeministër dhe të pushojë së kontrolluari drejtësinë, të rriten shanset për shqiptarët që ai të dalë para ligjit”, theksoi ai.

LEXONI GJITHASHTU

• Berisha-Erdoganit: Puna që bën për pushtetin e Ramës, kundër interesave shqiptare
• Sali Berisha citon Barometrin: SPAK i pabesueshëm për shqiptarët
• Berisha: Erion Veliaj, i vetmi politikan shqiptar që ka lidhje me Iranin