“Do ta shohim, duro pak”, Bushati përplaset me Ndrecën: Ke logjikë sterile

Analisti Andi Bushati ka debatuar me juristin Plarent Ndreca, për kalimin e deputetit të Shkodrës, Agron Çela nga Partia e Lirisë, te Partia Socialiste.

Sipas Bushatit, Ndreca ka logjikë sterile, pasi nuk e beson se Çela dhe kryeministri Edi Rama u bashkuan pasi kishin koncepte të njëjta politike.

Ndreca replikoi duke thënë që të shohë sesa vota do të marrë Partia Socialiste në zgjedhjet e 14 majit.

Plarent Ndreca: Në garë hyhet për të fituar çdo bashki, sidomos Shkodrën, që në gjykimin tim, është ndër qytetet me potencialin më të madh të zhvillimit ekonomik dhe turistik në veri. Është qyteti më i madh, më simbolik i veriut dhe nuk ka njohur administrim nnga Partia Socialiste në këto vite. Është qëllim jo vetëm politik, por për të bërë një rilindje të atij qyteti.

Andi Bushati: Më duket shumë sterile kjo logjika e Ndrecës. Në plan të parë ashtu duket, por a ka shqiptar që na dëgjon duke folur dhe beson që idetë dhe konceptet politike të Çelës dhe Ramës u puqën një ditë?

Plarent Ndreca: Ja do ta shohim shpejt. Duro deri më 14 maj dhe do e shohim.

Andi Bushati: Jam i sigurt, votat do i merrni, namin do bëni, as nuk e diskutoj atë.

Plarent Ndreca: Ky është matësi në demokraci, nuk ka matje tjetër.

Andi Bushati: Matësi me ju, nuk është sa vota do merrni, por sa do na vidhni.

LEXONI GJITHASHTU

• Mentor Kikia: Nuk e bleu PS-ja Agron Çelën, por Çela PS-në
• Andi Bushati replika me Kreshnik Spahiun: Si kanë shantazhuar gjykatësit

• Kreshnik Spahiu: Çfarë u ka kërkuar Yuri Kim deputetëve të PD në takimet private