“Do të luftojmë deri në fund”, Zelensky fjalim në parlamentin britanik

Presidenti i Ukrainës Volodymyr Zelensky ka adresuar parlamentin britanik të martën përmes një video-mesazhi.

Zelensky citoi Winston Churchill, udhëheqësin e Britanisë gjatë Luftës së Dytë Botërore, teksa tha “Ukraina do të luftojë deri në fund”.

I was pleased to grant a request to allow President Zelenskyy to give a statement to the House virtually. Here you can watch the President's historic address to Members and Lords in the House of Commons Chamber. @ZelenskyyUa pic.twitter.com/uifMIun5Vd

— House of Commons Speaker (@CommonsSpeaker) March 8, 2022

“Ukraina nuk do të dorëzohet dhe nuk do të humbasë”, tha ai.

Ai ka krahasuar betejën e Ukrainës kundër Rusisë me atë të britanikëve dhe nazistëve gjatë Luftës së Dytë Botëore.

“Ju nuk deshët ta humbnit vendin tuaj kur nazistët u përpoqën ta merrnin atë”, tha Zelensky. “Dhe juve ju desh të luftonit për Britaninë”.

Më tej, presidenti i Ukrainës ka vlerësuar sanksionet kundër Rusisë, por përsëriti kërkesën e tij për të vendosur një zonë ndalim-fluturimi mbi Ukrainën.

Ai tha se vendimi i Gjykatës Ndërkombëtare Penale për të hetuar Rusinë për krime lyfte iu ka dhënë shpresë se do të ketë pasoja për veprimet e rusëve. Por Zelensky tha se këto nuk mjaftojnë.

LEXONI GJITHASHTU:

• Përditësime LIVE 8 mars: Nuk dorëzohemi, i thotë Zelensky parlamentit britanik