“Do të zëvendësojë Zegjineja”- Debate në Konferencën e Kryetarëve, mbyllet mbledhja

Konferenca e Kryetarëve, e zhvilluar këtë të enjte në ambientet e Kuvendit, u shoqërua me debate mes përfaqësuesve të maxhorancës dhe opozitës.

Mbledhja u mbyll pa miratimi e pikave të parashikuara të rendit të ditës, të cilat do t’i kalojnë për votim seancës plenare të Kuvendit.

Pikat e parashikuara për shqyrtim ishin:

• Projektprogrami i punës së Kuvendit për periudhën 29 maj – 8 korrik 2025.
• Projektkalendar i punimeve për periudhën 29 maj – 18 qershor 2025.
• Raporti i monitorimit për periudhën 1 janar – 31 mars 2025, lidhur me ecurinë e zbatimit të Planit të Veprimit të Kuvendit.

Mbledhja u karakterizua nga debate të ashpra, veçanërisht mes deputetit të Partisë Demokratike, Gazment Bardhi, dhe kryetares së Kuvendit , Elisa Spiropali.

Bardhi kritikoi ashpër mënyrën si po funksionon Kuvendi, duke akuzuar mazhorancën për mungesë transparence dhe kontroll të plotë. Ai theksoi se Kuvendi është kthyer në “pronë private” të mazhorancës, duke mos lejuar çështje jashtë rendit të ditës.

“E keni kthyer Kuvendin në pronë private. Keni organizuar një seancë turpi, pa çështje jashtë rendit të ditës, duke mos respektuar rregulloren,” tha Bardhi.

Në një moment, Bardhi iu drejtua me ironi Spiropalit, duke thënë se ajo rrezikon të zëvendësohet nga “Zegjine Balluku”, duke iu referuar fitores së kandidates Zegjine Çaushi në qarkun e Fierit.

LEXONI GJITHASHTU:

• Konfigurimi i parlamentit të ri, kush do të ulet në 140 karriget e Kuvendit
• Parlamenti nis punën më 29 maj: Nuk ka të drejtë të kalojë ligje, çfarë do shqyrtojë