Dodik për referendumet: Rusia ka kërcënuar integritetin territorial të Ukrainës

Anëtari serb i presidencës së Bosnje Hercegovinës dhe lideri i Aleancës së Social-Demokratëve të Pavarur, Milorad Dodik, deklaroi se Serbia duhet të ketë qëndrim në lidhje me referendumet në Ukrainë të organizuara nga Moska, sepse mbron integritetin e vet.

Sipas tij, në një kuptim formal, Rusia ka kërcënuar integritetin territorial të Ukrainës, shkruan Euronews Serbia.

Në lidhje me zgjedhjet në Bosnje dhe Hercegovinë, ai tha se dëshiron të kthehet në postin e presidentit të Republikës Srpska, sepse nuk ka të drejtë t’i ikë përgjegjësisë dhe mohon se është financuar nga Rusia.

Dodik synon të bëhet president i Republikës Serbe, entiteti autonom që i përket Bosnje dhe Hercegovinës.

Nëse e fiton këtë bast, sikurse pritet, ai synon t’i japë asaj një pavarësi të plotë, duke i ofruar Rusisë një rritje të ndikimit në Ballkanin Perëndimor.

LEXONI GJITHASHTU

• Zgjedhjet në Bosnjë, Dodik: Nëse fitoj, Republika Serbe do ketë pavarësi të plotë
• Dodik kritikon Perëndimin: Rusia u detyrua të mbronte njerëzit në Donbas
• Republika Srpska po shkon drejt pavarësisë, thotë Milorad Dodik