Dogjën dy makina në Vlorë, arrestohet 21-vjeçari, në kërkim bashkëpunëtori i tij

Një person është arrestuar si autor i dyshuar i djegies së dy automjeteve në lagjen “Isa Boletini” në Vlorë. Policia gjithashtu ka identifikuar një tjetër person të cilin e ka shpallur në kërkim lidhur me ngjarjen.

Ata në bashkëpunim me njëri-tjetri, kanë djegur me lëndë djegëse dy automjete, tip “Audi” dhe “Suzuki”. Policia po punon për zbardhjen e motivit, si dhe për kapjen e autorit të dytë.

“Vlorë/ Finalizohet nga Komisariati i Policisë Vlorë, nën drejtimin e Prokurorisë Vlorë, operacioni policor i koduar “Double Flames“. Zbardhet djegia e qëllimshme e dy automjeteve, ngjarje e ndodhur më datë 10.11.2025, në lagjen “Isa Boletini”.

Identifikohet dhe ndalohet njëri prej autorëve të dyshuar, ndërsa tjetri shpallet në kërkim. Strukturat hetimore të Komisariatit të Policisë Vlorë, pas një pune të mirëorganizuar hetimore dhe nën drejtimin e Prokurorisë Vlorë, finalizuan me sukses operacionin policor të koduar “Double Flames”, në kuadër të të cilit u dokumentua ngjarja e ndodhur më datë 10.11.2025, në lagjen “Isa Boletini”, ku u dogjën me zjarr dy automjete.

Si rezultat, u bë ndalimi i shtetasit Xh. S., 21 vjeç, dhe shpallja në kërkim e shtetasit D. D., 28 vjeç, të dy banues në Vlorë.Nga veprimet hetimore dyshohet se këta shtetas, në bashkëpunim me njëri-tjetrin, kanë djegur me lëndë djegëse dy automjete, tip “Audi” dhe “Suzuki”. Punohet për zbardhjen e motivit, si dhe për kapjen e autorit të dytë.

Materialet procedurale u referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprën penale “Shkatërrimi i pronës me zjarr”, kryer në bashkëpunim”, njofton policia.

LEXONI GJITHASHTU:

• Vuajti dënimin për kanibalizëm, “Vampiri i Parisit” zbulon si nisi historia i tij
• U gjet i djegur në makinë, pista e hetimit për vrasjen e të riut shqiptar në Greqi