Një 36-vjeçar është arrestuar në Elbasan pasi akuzohet se ka djegur me benzinë një makinë të parkuar. Nga përhapja e flakëve është djegur pjesërisht edhe një makinë tjetër.
Ky person është dënuar edhe më herët për vepra të tjera penale.
Njoftimi i policisë:
Si rezultat i operacionit u arrestua në flagrancë shtetasi G. M., 36 vjeç, banues në Elbasan, i dënuar më parë për disa vepra penale.
Nga veprimet hetimore dyshohet se 36-vjeçari, më datë 23.01.2025, gjatë natës, në lagjen “Aqif Pasha”, për motive të dobëta, ka djegur me lëndë djegëse (benzinë), një automjet të parkuar, në pronësi të shtetasit S. M. Nga përhapja e flakëve u dogj pjesërisht dhe një automjet tjetër i parkuar aty pranë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprën penale “Shkatërrimi i pronës me zjarr”.
LEXONI GJITHASHTU:
- Përshkallëzohet zjarri te Komuna e Parisit, evakuohen fëmijët me shkallë emergjence
- Përshkallëzohet zjarri te Komuna e Parisit, evakuohen fëmijët me shkallë emergjence