Doli për të bërë zhytje në Ksamil, gjendet i vdekur 38-vjeçari (Emri)

Florian Kofina, 38 vjeç, nga Tirana është gjetur pajetë këtë të diel në shkëmbinjtë tek “Gjiri i Barxhos”,  në Ksamil.

Ai kishte shkuar për të bërë zhytje me një mjet kanoe dhe dyshohet të ketë pësuar një arrest kardiak.

Sipas burimeve policore fillimisht për 38-vjeçarin Florian Kofina që humbi jetën në Ksamil u dyshua se ishte goditur nga jet sky, por më vonë u përcaktuan se plagët në trup ishin krijuar nga përplasjet në gurë.

Trupi i 38-vjeçarit është transportuar në spitalin e qytetit të Sarandës ku nga këtu do të dërgohet në Tiranë në mjekësinë ligjore.

Njoftimi i policisë

Sot, më datë 04.08.2024, tek shkëmbinjtë tek “Gjiri i Barxhos”,  në Ksamil, në një masiv shkëmbor në det, është gjetur i pajetë shtetasi F. K., rreth 38 vjeç, banues në Tiranë, i cili dyshohet se është mbytur aksidentalisht si pasojë e një arresti kardiak.

Nga informacionet paraprake dyshohet se ai kishte dalë për lundrim me një mjet kanoe dhe ka qenë duke bërë zhytje në këtë zonë.

Grupi hetimor ndodhet në vendngjarje dhe, nën drejtimin e Prokurorisë, po punon për sqarimin e plotë të rrethanave të ngjarjes.

LEXONI GJITHASHTU:

• “Do të vras”- Suli: Si u kërcënuan komisionerët e opozitës në Himarë
• Zgjedhjet në Himarë| Sa qytetarë kanë votuar deri në mesditë, ja shifrat