“Do të vras”- Suli: Si u kërcënuan komisionerët e opozitës në Himarë

Sekretari i OMONIA-s, Marin Suli, është shprehur se disa komisionerë të opozitës në zgjedhjet në Himarë janë kërcënuar me jetë.

Komentet Suli i bëri në një lidhje për Euronews Albania, ku tha se kryeministri Edi Rama ka zbritur në Himarë bandat kriminale, për të grabitur Bashkinë me çdo kusht.

“E njëjta problematikë si ajo e ‘1 majit’ ka ndodhur edhe në qendrën në Vranisht, ku komisionerët e aleancës ‘Bashkë Fitojmë’ janë kërcënuar. Në Vranisht i thanë do të vras, këto i thonë dil përjashta mos të shikoj këtu.

Janë banda kriminale që i ka zbritur Edi Rama për të marrë zgjedhjet me çdo lloj mënyre dhe për ta rrëmbyer përfundimisht Himarën. Është vendim politik dhe po e ekzekuton përmes kriminelëve dhe administratës shtetërore. I kemi fotografuar, komisionerët sapo të përfundojë procesi zgjedhor do të shkojnë të bëjnë kallëzim penal”, tha Suli.

LEXONI GJITHASHTU:

• Zgjedhjet në Himarë| Sa qytetarë kanë votuar deri në mesditë, ja shifrat
• Shifrat| Numër rekord votuesish në Himarë, si është krahasimi me vitin 2023