Ditën e sotme në Bashkinë e Himarës po mbahen zgjedhjet kryetarin e ri, ku garojnë kandidatët Vangjel Tavo i PS dhe Petro Gjikuria i opozitës.

Shifrat tregojnë se ka pasur një rekord pjesëmarrjeje të qytetarëve në votime, e cila krahasuar me zgjedhjet vendore të 14 majit 2023 në këtë bashki, është 4 % më e lartë.

Deri në orën 11:00 pjesëmarrja ka qenë 18 %, që sipas gazetarit të Euronews Albania, Neritan Gjergo, nëse ecet me këto ritme, këto zgjedhje mund të thyejnë edhe rekordin e pjesëmarrjes së të gjitha zgjedhjeve në Himarë.

Në shifra raportohet se në total kanë votuar 4170 votues nga 23 mijë që janë gjithses.

Sipas gazetarit Gjergo, njësia Hor-Vranisht ka edhe numrin më të lartë në përqindje të pjesëmarrjes në votime, me 24 %.

“18 % është pjesëmarrja deri në orën 11:00 dhe shihet që pjesëmarrja nga ora në orë ka shënuar një rritje të numrit të votuesve. Raportimi vjen nga të gjitha qendrat e votimit. Kanë votuar 4170 votues nga 23 mijë gjithsej.

Nëse shkojmë me këtë tendecë, këto zgjedhje mund edhe të thyejnë rekordin e të gjitha zgjedhjeve të mëhershme për pjesëmarrjen e votuesve në Bashkinë e Himarës. Nëse e krahasojmë rezultatin me vitin 2023, pjesëmarrja deri tani është 4 % më e lartë.

Shihet një numër më i lartë personash që po i drejtohen kutive të votimit. Numrin më të madh të pjesëmarrjes në përqindje, jo në numër votuesish, e shënon njësia Horë-Vranisht, ku kanë votuar rreth çereku i numrit të përgjithshëm të votuesve atje, 24 %. Janë 6 qendra votimi në atë zonë”, tha Gjergo.

LEXONI GJITHASHTU:

• Voton Petro Gjikuria: Unë do jem kryebashkiaku i ardhshëm i Himarës, sot ditë feste
• Tensione në disa qendra votimi në Himarë, nuk lejohen personat me ID të skaduara