Kandidati i opozitës për Bashkinë e Himarës, Petro Gjikuria, ka ushtruar të drejtën e votës para pak minutave.

Gjatë fjalës së tij për mediat, Gjikuria u shpreh i bindur se do të jetë kryebashkiaku i ri i Bashkisë së Himarës.

Gjikuria tha se sot është një ditë feste dhe ftoi qytetarët të dalin e të votojnë masivisht.

Ai gjithashtu hodhi akuza ndaj qeverisë, për mos-lejimin e qytetarëve që u kanë skaduar kartat e identitetit për të votuar.

“Kjo është një ditë feste, ta festojmë të gjithë bashkë. Ftoj qytetarët të shkojnë të votojnë, të fitojë më i miri. Po mos bëni pyetje të tilla sikur keni ngrënë limona që në mëngjes. Unë do të jem kryetari i ri i Himarës.

Vitin e kaluar votuan njerëzit me karta të skaduara, kurse këtë herë jo. Trajtimi i qytetarëve socialistë të Himarës ka qenë ndryshe pasi i rinovoheshin kartat për 24 orë, ndërsa qytetarëve të tjerë jo. Nuk besoj se do të ndikojë në rezultat. Neve një javë fushatë na lanë. Kartat e skaduara vitin e kaluar i lanë”, tha Gjikuria.

LEXONI GJITHASHTU:

• Një 90-vjeçare paraqitet për të votuar në Himarë: Kërkoj të drejtat e munguara
• Zgjedhjet në Himarë, djali i Fredi Belerit paraqitet në një qendër votimi