“Dorëheqja nuk mjafton, dorëheqja nuk mjafton”. “Mos i lini të lirë dhunuesit e grave”.
Këto janë thirrjet që vijnë nga protestuesit në Prishtinë pasditen e së enjtes për ngjarjen e rëndë që ndodhi në maternitetin e Prishtinës.
Protestuesit kërkojnë drejtësi për vrasjen e 35-vjeçares shtatzënë dhe nuk i kursejnë kritikat ndaj qeverisë.
Policia e Kosovës kërkon ndihmë nga qytetarët për të dhënë informacione nëse kanë dijeni se ku ndodhet autori i vrasjes së 35-vjeçares në maternitetin e Prishtinës.
Që prej mbrëmjes së djeshme policia është në kërkim të Sokol Halilit, i cili dyshohet se mund të jetë larguar edhe jashtë vendit.
35-vjeçarja, Hamide Magashi, u qëllua për vdekje mbrëmë nga ish-bashkëshorti Sokol Halili, 31 vjeç, në oborrin e maternitetit të Prishtinës.
Viktima ishte shtatzënë në ditën e fundit të saj të shtatzënisë, kur 31-vjeçari e vrau me 1 plumb në kokë dhe 2 në trup.
35-vjeçarja kishte urdhër-mbrojtjeje që prej muajit shtator dhe ishte në proces divorci me 31-vjeçarin.
LEXONI GJITHASHTU:
- Policia u kërkon ndihmë qytetarëve për autorin e vrasjes së gruas shtatzënë
- ‘NATO pjesë e luftës’, Lavrov: Sulmet ndaj infrastrukturës të justifikuara
- ‘Kam kërkuar të hetohen policët’, Sveçla reagon për vrasjen e gruas shtatzanë
